मुख्यमंत्री माझी शाळा , सुंदर शाळा टप्पा -03 अभियान राबविणेबाबत ; GR निर्गमित दि.16.10.2025

by
Spread the love

Mh-Tv@24 प्रणिता पवार प्रतिनिधी [ Chief Minister regarding the implementation of My School, Beautiful School Phase-03 campaign ] : राज्यातील सर्व माध्यमांच्या व सर्व व्यवस्थापनांच्या शाळांकरीता मुख्यमंत्री माझी शाळा ,सुदर शाळा टप्पा -03 हे अभियान राबविणेबाबत , शालेय शिक्षण व क्रिडा विभाग मार्फत दिनांक 16.10.2025 रोजी महत्वपुर्ण शासन निर्णय निर्गमित करण्यात आले आहेत .

सदर निर्णयानुसार राज्यातील सर्व व्यवस्थापनांच्या व सर्व माध्यमांच्या शाळांनी सदर अभियानात सहभागी होणे अपेक्षित आहे . तसेच सदर अभियानासाठी शाळांची विभागणी ही शासकीय व स्थानिक स्वराज्य संस्थांच्या शाळा व उर्वरित इतर सर्व व्यवस्थापनांच्या शाळा अशा दोन वर्गवारीत करण्यात येत आहेत .

प्रत्येक स्तरावरील विजेता या दोन्ही वर्गवारीकरीता स्वतंत्रपणे निवडण्यात येणार आहे . यांमध्ये बृहन्मुंबई महानगरपालिका कार्यक्षेत्रातील शाळा , वर्ग अ व वर्ग ब च्या महानगरपालिकांच्या कार्यक्षेत्रातील शाळा तसेच उर्वरित महाराष्ट्र कार्यक्षेत्रातील शाळा अशा स्तरावर स्पर्धा राबविण्यात येणार आहे .

सदर अभियानाची काही प्रमुख उद्दिष्ट्ये : शैक्षणिक गुणवत्ता बरोबरच आरोग्य , स्वच्छता , पर्यावरण , क्रिडा इ. घटक बाबत जागृती करुन विद्यार्थ्यांच्या व्यक्तीमत्व विकासाला चालना देण्यात येणार आहे .

तसेच शासनांच्या ध्येय धोरणाशी सुसंगत अशा शालेय प्रशासनाच्या बळकटीकरणास चालना दिले जाणार आहेत . तसेच शालेय शिक्षणाच्या दृष्टीकोनातुन सर्वाधिक महत्वपुर्ण असणाऱ्या शैक्षणिक संपादणूक या घटकाच्या वृद्धीस प्रोत्साहन दिले जाणार आहेत .

 यांमध्ये पायाभुत सुविधा करीता 38 गुण , शासन ध्येय धोरण अंमलबजावणी करीता 101 गुण तर शैक्षणिक संपादणूक करीता 61 गुण असे एकुण 200 गुणांची स्पर्धा आयोजित करण्यात येणार आहे .

या संदर्भात सविस्तर शासन निर्णय पुढीलप्रमाणे पाहु शकता ..

Leave a Comment